Innever

Regn og rusk i dag. Trea får hufsa seg og skyene driv fort.

Skaugumane og alt har fått vaska seg og jorda har fått vatn. 

Du må ikkje reddast

Du må ikkje reddast når skyene tetnar

Og skyggjer for sola og jagar din fred,

for når dei er blitt  fylte, det tek til å regna,

Ein regnskur som trengjer i jordsmonnet ned.

Dei finaste skattar blir gøymde i mørkret,

Den dyraste skatten vann Jesus for oss.

I djupaste mørker han frelsa fullførde

I grufulle timar hengd opp på ein kross.

Men grava er tom og Guds himmel er skyfri

Og jorda er vatna med dropar av blod,

Ja, nok til all spiring og vokster for alltid,

Den veikaste spire i mørkret skal gro!

Du skal ikkje reddast  dei kolsvarte skyer

Som skyggjer  for sola og tyngjer deg ned.

Han sjølv er i regnet, dei tettaste byer

Og væter di sjel med velsigning og fred.

/96

Frå Nådens Snøfall

God natt!

Gunvor